tg-me.com/bnkck/53666
Last Update:
15
نـوح: حامل من ذاك العار؟! تزوجها وطلكها
وكسر كلبها.!! وخليتو عايش وهسه حامل منه
وضيع شبابها وهم ناوين تخلونة عليش؟!
139
مُرجان: لا ذبحناه ودفناه بحديقة بيتنة القديم،
لا تخبلني نـوح لا تندمني لأن اجيتك.
29
نـوح: فاهيات فاهيات عمج اللي ربيتن يمة وين؟!
صدك تحجون؟! ولـج هذا أنحره واعلك راسة
كدام أمة محمد اسوي عبرة لمن أعتبر.
44
نهضت من مكاني متنرفزة اني وين احجي وهو وين
مُرجان: عرب وين طنبورة وين؟!
أبـو الفهـد مو وكت أستفزازك مو وكته.!!
إذا ما مركز ترة الموضوع مصيبة ووكعت على روسنة.
53
نـوح: يا أستفزاز مُرجان وحگ شيبات أمي
بحجاية وحدة أنحرة وأخليج تلعبين براسة طوبة.
42
مُرجان: بالسجن هو، وهسه ساعدني شسوي؟!
مترددة اكول للرماح بس أول وتالي راح يعرف
لأن ياقوت رايدة طفلها متقبل تتخلص منه.
17
دار وجهة عنـي يفرگ بلحيتة بقوة
تمشى خطوات يبتعد ويرجع لنفس النقطة
نـوح: أعذريني على الكلمة بس أهلج چـلاب،
ماراح يصدكون زواجها إلا أذا أكو دليل.
33
مُرجان: ماكو دليل غير كلام طليقها وأهله،
لأن فقط عقد سيد بدون محكمة.
24
نـوح: سهلة هاي اجيبلج عشيرة العار كلها تشهد زواجهم.
27
بقيت أباوعلة خايفة وهو فهم سبب خوفي
نـوح: أهله عارات مثلة؟! راح ينكرون؟!
مُرجان: تزوجها حتى ينتقم تتوقع راح يعترف بيها؟!
24
نـوح: ما يعترف بالعين وأغاتي يعترف بالتهديد سهلة سهلة.
38
فرگت وجهي بقوة وهزيت راسي بأيجابية
مُرجان: أنتظر خبر منك لا تخيب ظن أبـو الحـسن بيك.
18
نـوح: يلام من سماج النچـرة.
51
ما جاوبتة درت وجهي ومشيت أسمعة
يحجي ويا الفرس من كل عقلة
نـوح: هاي مو نچـرة هاي بلوة الله يعين كلبك أبـو الحـسن.
99
اني منا مقهورة ومنا كلامة ينرفزني،
أنداريت عليه أحاول أستفزة بدل لا أعصب
مُرجان: يعني هسه أنتَ مهندس؟!
45
نـوح: يا طلابة المهندس اي مهندس، المطلوب؟!
39
مُرجان: اريدك تهندس مشاعري اتجاهك شوية.
83
فتح أديه بصدمة وصاح
نـوح: أستغفر الله خوية أنتِ ناوية على نحري؟!!!
72
مُرجان: مشاعر الأشمئزاز حاول تهندسها
وتخليني استلطفك او على الأقل اشفق عليك،
واذا صعبة هندس نفسك وخلي بيك قبول شوية.
19
نـوح: تذميني ودورين مساعدة مني؟! صـ...
42
ما كمل كلامة ودار وجهة عني يستغفر
نـوح: روحـي خوية رحم الله والديج، أكدر احجي انا؟!
61
ما أهتميت لكلامة ورجعت للبيت
بس البيت صاير بـي حرب،
بثينة متخربطة وغيـد وياقوت كاعدات يمها
وعمتـي بلقيس صايرة بركان وتصيح
ولـؤي يمها نفس الحالة شابة بي نار
لـؤي: شلون تسوين هيج عمة شلون؟!
تريدين تضحكين العالم علينا أنتِ؟!!!
33
بلقيس: وأنتو خايفين لو مستحين من العالم؟!
وروح امي اسويها مرة ومرتين وأكثر إذا ما رجعتو.
22
لـؤي: ادورين المصيبة دوارة عمة أنتبهي لروحج.
26
نبرة صوتة بيها تهديد علنــي لعمتـي
بس بلقيس ما تهابهم ولا تخاف من الحجاية
اللي تريد تحجيها بوجهم
بلقيس: مـن طاح حظك وحظ أهلك اللي ماعرفو
يربونك، اطلع لـؤي اطلع ووصل كلامي لأبوك
إن ما رجع لباجر أقسم بالله اخلي سيرتكم على كل لسان.
36
طلع لـؤي من البيت يصيح مغثوث
وعمتـي رجعت على بثينة تشوف حالتها
أنتبهت عليه غيـد ونهضت من مكانها متقربة مني
مُرجان: شصاير؟! شبيها عمتي؟! وبثينة شبيها؟!
16
غيـد: طلعن مـن الصبح يشوفن روكان بس
ماكو بالمستشفى، مطلعينة على مسؤولية سلطان،
وسلطان يكول ما أعرف شي عنه.
60
مُرجان: وعمتـي شمسويتلهم؟!
غيـد: رايحة مشتكية على سلطان بمركز الشرطة،
والضابط يعرف عمي ومتصل بي منطي خبر
واصلاً ممسجلين شكوتها بأعتبار عمي من الروس الكبار.
62
خاف كانت عايزة؟! هسه ألتمت مـن كل كُتر،
كل شخص ممكن بس مجال نتحامى بي أختفى،
والله أعلم روكان شسوو بي سلطان وسلمان،
رغم ما عرفت سبب كراهيتهم لروكان بس واضح
حاقدين عليه حقد كبير،
كعدت على طرف الكرويتة اواسيها لو تواسيني
منو مصيبتها اهون ياقوت لو بلقيس لو بثينة لو غفـران؟!
جنس حواء ببيت الرماح مكسور ظهره.!!
صار الظهر ورجع جـدي وهوس مرة ثانية على
عمتـي وهي تردلة الكلمة بعشرة تخلي يگمز من القهر،
توسلت بيها فاطمة وأخذتها لغرفتها
بس أكيد ما أنتهت لعركة لهنا.!!!
أجه سلطان بالليل هو ولـؤي وناويها على شر
سلطان: ما تعبتي وأنتِ تنبحين؟!
53
بلقيس: شتحس سلطان؟! أنتَ بمكان جبير
مسؤول عن حماية شعب محافظة كاملة وأنتَ بيتك
ما كادر تحمي؟! شتحس من مخلي عقلك ويا البعمر ابنك؟!
34
سلطان: إذا على روكان ما عنـدي فكرة هو وين؛
وإذا عنـدي شي وياه أذبحة كدام عينج ما خايف.
34
بلقيس: لو ما أعرفك عار وما تموت بهذهِ
السهولة جان نومت السجين بكلبك وخلصت منك.
40
أنغث من حجايتها، عصب وتقدم عليها
سحبها من شعرها بقوة وضرب راسها بالحايط
BY #روايات و#قصص #عراقيه #واقعيه
Warning: Undefined variable $i in /var/www/tg-me/post.php on line 283
Share with your friend now:
tg-me.com/bnkck/53666